元朗醉雞

大隱隱於市。朋友見我酷愛支持小店，介紹了這家元朗醉雞粉麵店。我一向相信，做飲食，一定要有團火，不論任何環境，都有點燃着的鬥志，有時非賺錢問題，而是熱誠和滿足感；缺乏動力，只以賺錢為上，必然自毀。在香港，捱過幾年仍保持到品質，一定是有心人，值得推薦。當然，每個拚命生存的小市民，頭上還有一把血口利刃，業主猛於虎；加租打殘經濟及活口，皆因見人客多，眼紅，加價，最緊要快，夠狠。

這間小店，殊不容易。連去數次，出高速公路尋覓，遍尋不獲，飢腸轆轆，隨便吃吧，元朗人多，小店亦多，品質大概不錯。再次求證，終於確定位置，橫街的隱閉位置，門口闊一米不夠吧，卻長期站滿人。

擇日重來。久候得食，滋味大大不同。醉雞，味道濃郁，鹹鮮嫩滑，釀酒的配搭，酒香分明而不嗆鼻，整碗麵湯，都是濃厚醉雞汁，選米粉，味道最突出。還有鮮活的，這次選了冰鮮雞。

麵店的醉雞分有冰鮮及新鮮兩種選擇，可跟米粉、麵、河粉或者配撈麵。要選就要選最好，所以揀咗新鮮醉雞！醉雞與米粉分開上，醉雞用膠碟盛載又有醉雞汁浸着，甫上枱已經聞到酒香，雞肉吸收酒味但不苦澀，肉質好滑，爽口彈牙，還有雞腎。新鮮雞的肉質好滑，而且結實、爽口彈牙，新鮮雞仲有雞腎㖭！想指明食雞胸、雞背等部位，可以係落單時與店員提出。如果你是酒鬼，可以問店員拎多碗醉雞汁，倒落碗米粉度，連個湯底都有酒味！

加叫煎豬扒，同樣入味可口，調味用足心機。麵店嘅豬扒同樣是鎮店之寶，豬扒有肥、瘦之分，落單時記得要同店員講清楚要肥豬定瘦豬。豬扒似是以簡單的豉油、蒜、糖等醃味，然再煎熟。厚切的豬扒一啲麵唔乾身、肉質鬆軟、好腍，而且無雪藏味，這就是功夫。

每天11點開到6點，明顯自家店。自家生意，長做長有，很好。小店，摩肩接踵，是常識，大家湊合忍耐，搭枱共食，4人拼成一枱，日子大家好過，冇問題。