愛情觀自在

十多年前睇過一套小品式電影《愛情觀自在》，近日重看，別有一番滋味！杜國威先生曾寫過它的舞臺劇劇本，其後才被改編成電影，我只看過電影，女主角是陳慧珊，至於其他人物我已忘記，記得當天看電影時，只覺對白令人細想回味，現在重看，感受良多。
 男主角阿修為尋佛理，不顧一切放下工作和女友小靜，前住大嶼山央求他的同學智源大師收他為徒，小靜只想向阿修問過明白，豈料其後小靜竟愛上智源大師，智源大師雖曾受誘惑，最終仍可放下。當中加插阿修、小靜的好友阿正及美娜這一對歡喜寃家，四人同處大嶼山佛寺內，經過智源的點化，小靜有所頓悟，一切隨緣。
 故事中，智源大師從沒有要求阿修、小靜、阿正又或者美娜忘情棄愛，只是從旁協助，令他們更看清楚自己，智源的話充滿禪機，但不是深澀的道理，或許，禪本來就是生活的智慧。現摘錄如下：
『一切隨緣，世間萬法早有安排…既然早有安排，點解要積極造人? 』
參考欲知前世因，今生受者是。積極造人，多少影響今生際遇。
『緣喺度，不過，你點樣睇點去決定都會影響「緣」，所以，有姻緣、機緣、良緣、孽緣。』
『一念之差，影響我們的緣。一個人的思考和覺悟會在很大程度上影響到他是行善還是作惡。往往在一念之間的主意決定，是好是壊，是當事人的修行。』
每一個人的心中都有一個是非黑白的評判標準，善念讓你懂得助人為樂，令你變得熱情、慷慨，充滿奉獻精神；而內心昏暗處的惡念則會讓你趨向邪惡、貪婪，為非作歹，最終淪於萬劫不復的境地。
『有生就有死，生生死死都係天意，都唔係人所能控制既。石子如是，愛情如是，皆憑天意！』
『「空虛」係感覺，「虛空」至係一種境界。』
小靜未能放下，受情所困，所以空虛寂寞；反之智源大師能夠斷捨離，得到虛空嘅境界。
『平常一樣窗前月，才有梅花便不同 。』
『「禪」就係生活，佛都要生活。佛知道有愛情！但係唔需要有愛情！』
『修練到最高層次，就係眼睇到嘅「色」，耳聽到嘅「聲」，鼻聞到嘅「味」，身體感覺完全係「假相」。明心見性就知道世間所有都係生滅變異一切無常。最高境界嘅佛同人無分別；著起袈裟唔係即刻等如佛，飲酒食肉唔等於無佛性，又駛乜在乎我鍾意你抑或唔鍾意你吖？』
『佛家嘅「自在」包含無愁、無慮、無怨、無恨，活得自在，愛得自在。』
『一切無常，只求心之所在、心之所安。』