爛口凸務MADAM

 

 

已經兩次睇咗Susan Copper，一如上集，都係爛口女主角，但聽慣咗唔介意句句都有fxxking和有幾次舉中子嘅鏡頭。

特務電影主角離不開高質型男加一位索爆金髮美女做伴，呢套影片都有；祖迪羅就係高質型男，都幾有型，但出場唔多，而且似死而復生，忠完又奸，奸完又忠，夠曬多變。雖然髮線嚴重向上移，但爛船都有三斤釘，你望他的奪魄雙瞳，無頭髮又如何？金髮美女有露絲拜恩，雖然索爆，但又係粗口爛舌。女主角兼諧星MADAM凸務，雖然周身肉，但身手敏捷又揪得，好一隻活生生的功夫熊貓，最重要唔怕死，將個勇字放在心口，然後衝呀殺呀，是一部會令你笑到有腹肌的爆笑勵志喜劇。
講到驚喜必屬自命特務精英的積遜斯特咸，這位型男一直專演硬漢，拳腳武器樣樣精，但原來引你笑亦有一手，戲中他吹水功力超強，勁咸咸濕濕，一出場就無時無刻吹噓自己如何厲害，如曾經死過五分鐘後復活呀，曾經吃下百幾種毒藥又死唔去呀，出自他口的對白必能令你會心微笑，甚至大笑。劇情唔算太九曲十三彎，容易估到結果，但電影有飛車，有打鬥，有爆破，有槍戰，有7:1立體聲，仲有真係幾好笑嘅連場爆笑，對於我只花廿五蚊算係抵。

故事簡介：

美國中情局分析師蘇珊(瑪莉莎麥卡菲)，是位專門於後勤協力危險任務、卻不為人知的無名英雄。她心儀已久的拍檔(祖迪羅)在行動中突然消失無蹤，連帶另一位頂尖探員(積遜斯特咸)的安全，也危在旦夕。為求找出拍檔下落，蘇珊自薦加入臥底，混進危險軍火商企圖查出真相，跟奸險的蛇蠍美人主腦(露絲拜恩)連環交手！在英勇救難過程中，蘇珊發現心上人的失蹤，竟牽涉一宗即將威脅全球的大災難，絕非想像中這麼簡單！