與銀行職員搏鬥之離奇

Sally要辦理一個三十萬轉賬。銀行職員隔着玻璃說：「手續完了。部門或許會打電話給你核對，三字頭電話。」

吓？平時陌生人電話我一定不接，警方也叫我們不要接聽啊。「這是銀行規定的流程。你三次不接電話，便會取消transaction作廢。不過是抽樣的，所以你未必一定收到。會在office hour或晚上七點前。未必一定打畀你。但打畀你一定要聽。」

翌日，Sally收到銀行訊息說戶口存款不夠，轉賬取消。Sally大驚，原來counter職員搞錯了戶口，團團轉又折騰一整天，還凍結了網上戶口。Sally筋疲力倦時，客戶經理聯絡上了：「對不起，部門因應現時騙案太多，你是次轉賬亦屬於比較大數目，所以會有同事致電你，確認係你本人嘅指示再為你進行轉賬。」……OK。

來電了：「我們循例要和Sally小姐你核實，大概兩分鐘。你點解要轉錢？」要投資。「做乜嘢投資？」買股票……「買什麼股票？」……「你從何得知？網上？」朋友介紹……「你以往有沒有買賣股票？有沒有另類投資？」……嗨，你問這麼多幹嘛？我忙着呢，你快啲好嗎？你問我已經不止兩分鐘了！「小姐，我們只是跟着既定題目發問，如果你不合作，我們只能作廢，取消交易。」你都唔使問我問到好似國安咁㗎！

靜止。「（冷冷地）你點解會收到國安電話？」救命！冇呀！我只係形容你哋太威猛又太壓迫人！

「（非常威嚴又冰冷地）小姐，我哋只係跟題目問，如果你繼續唔合作，我哋只能取消交易。」Sally尖叫：我呢兩日同你哋銀行十個職員解釋過，你係第十一個！你而家有錄音㗎？我可唔可以投訴你，我講嘅「國安」只係形容詞，你唔可以憑呢個理由為難我！

Sally晚上聽佛，知道要放下。後來聽一個年輕人說，她幾乎受網騙，所以反而多謝銀行的「反欺詐監控組」呢！