某時某日，手機彈出一句「未插入sim card」，有冇搞錯，幾分鐘前還用緊whatsapp，慌忙之際，手機因酷熱天氣發熱了，惟有熄機，享受幾小時（without whatsapp）的生活，爽！
同樣，我們不必靠賣弄art tech。資訊科技取代不了真味，真實感，無添加。
風車草《回憶的味道》，沒有編劇，人人都是「創作演員」。沒有導演，大抵只有指揮。100% live experience，不靠跌宕故事，Cabaret style。數百觀眾擠在西灣河文娛中心排排坐，社區味更濃。
梁祖堯、湯駿業、邵美君、彭秀慧，四人能唱能演，能量爆滿。急換裝各個角色，完場前還不厭其煩來個變「老」，情義長。
真人煮嘢——不是機械人表演炒菜！台上廚房油煙味撲鼻而來。即場煮甜酸苦辣蝦——梁祖堯手勢嫺熟，一邊講古一邊煮，非常瀟灑。彭秀慧冬瓜盅（時間關係早已煮咗一半）。湯駿業南乳豬腩肉，他的「姨媽肉」故事，提醒大家已忘掉了的「豉油撈飯」。
邀請觀眾上台試食，也乘機勾起一些真實小事。例如男觀眾剛和太太吵架，完場後正好去消夜，自然過Kiss Cam，全場溫暖！觀眾入場前也應邀寫幾十字小故事，最後在舞台上幻燈片播出，演員讀出。好好記住一個特別的夜晚。
以前是夜總會大牌檔唱K。懷念霓虹燈。唱《千億個夜晚》，「茫茫然走向/埋沒着我一生嘅夜晚」。幕後人員包括布景設計、音響設計，一人一段voice over，十分人味的ensemble。酒樓一盅兩件點心車唱「當年相戀意中人」，馮寶寶紙牌貼在牆上貼在人臉上，重新演繹仍然窩心。
和觀眾互動，最成功是「乜太與李」環節，梁和湯非常抵死，鬥哨牙。問答比賽，肉冰燒居然有人知道是「因為浸過燒肉」。觀眾水準真不賴！
味蕾舌尖，回憶易有共鳴。兩個半小時無中場休息，如果說今日生活節奏快，可以減茶餐廳A餐B餐、學生問答比賽或味覺圖書館，雖然這幾節都演得不錯。開頭數名牌由楊貫一鮑魚到李曾超羣蛋糕、太平館、絲襪奶茶……哈哈！
時機成熟
談及7年後再次創作系列作品《回憶的味道》的因由時，梁祖堯道：「上次回憶的香港係一個自肥嘅計劃，嗰陣純粹係演員同幾位創作人想叉電，同埋想重新連結呢個地方，所以有《回憶的香港》。一直好想再做part 2， 最近時機成熟，大家有期，又搵到西灣河文娛中心劇院，所以就去馬。」湯駿業補充說，「因為當提起一種食物嘅時候，會諗起同邊個食，發生乜嘢事，入面可以有好多故事。同埋做資料搜集嘅時候，發現好多家族食譜，再加上好多唔同小店嘅故事，都同我哋息息相關，所以我哋雖然由食物開始，但整個劇場都會同我哋呢個香港有關。」
談劇場禮儀
談到劇團今年不入選康文署場地伙伴計劃，失去葵青劇院「主場」，湯駿業直言難找場地演出，「好多人演出好多人要租場，做完呢次都唔知幾時有下個地方，所以有幾多做幾多，希望有下一個場地，再諗啲更好玩嘅show。」雖然只得14場，但感謝康文署幫忙，梁祖堯坦言：「冇得加喇，已經盡晒。」至於早前早前舞台劇《關於那隻龜回魂的故事》發生先口角後動武的流血事件，梁祖堯亦有留意，他無奈表示，表演者無法控制觀眾，語重心長表示，「劇場呢個咁寶貴嘅環境，需要大家一齊保護，好脆弱。」
沒有留言:
張貼留言