銀河守護隊2

昨日睇咗套《銀河守護隊2》(Guardians of the Galaxy Vol.2)，Marvel超級英雄片由導演占士根(James Gunn)執導，比預期中算是ＯＫ。《銀河守護隊》一直被喻為另類超級英雄片，事關同為Marvel漫畫的改編作，《銀河》中成員「綠面女殺手」嘉魔娜Gamora、「好戰分子」達拉斯Drax、火箭浣熊Rocket Raccoon及小「樹人」ＢＢGroot均是外星人，連來自地球的「星爵」Star Lord（基斯柏特飾）都是外星混血兒，沒有強大能力，打壞人靠互相合作、捨長補短。全新歷險中，佢哋都會遇到身份神秘、外號為「生命恆星」嘅壹高(Ego)，它的主人是「星爵」基斯嘅老豆，基於他的野心，基斯發現了足以挑戰整個宇宙安危的重大陰謀，當然由於銀河守護隊合作而再次保衛宇宙。
新一集嘅《銀河2》講到「星爵」基斯跟父親相認，本來以為除咗睇特效化妝和電影特技畫面外，仲有正面嘅父子情節，原本初時係有，點知演演下係相反，最終是殺父結局，引發Ego毀滅。幸好《銀河2》亦講到嘉魔娜和獵布拉姊妹情，獵布拉是女皇滅霸的養女，也是銀河守護隊２最後的新成員；雖然片中開始講佢哋是不和，甚至打到飛起，但最終大團圓結局，互相幫助，脫離險境。另一名新成員是曼迪斯Mantis，她頭上有一對觸鬚，因而擁有通靈能力，樣子很ＣＵＴＥ，同時與同場大隻佬達拉斯產生一些笑料。
呢一集嘅音樂，是七八十年代的舊歌，譬如Father and Son、Fox On The Run...，「星爵」喜愛聽「舞曲大帝國1（Awesome Mix Vol.1)」，身上帶着1980年代的Sony嘅walkman，最後它俾老豆整壞，畫面情節相當懷舊，適合我這個老餅睇。動作場面與上集差不多，但笑料還有不少，特別小樹人ＢＢ「Groot」，很可愛！ 另外還見到久違嘅史泰龍和華裔女星楊紫瓊，但戲份極小。